ما يكتب على ظهر الميكروباصات والتكاتك

ازيكوا انا لاحظت فى الفتره الأخيره ان كل واحد عنده توك توك او ميكروباص
بيكتب
عليه اى كلام وخلاص وانا جايبلكوا انهارده بعض من الكتابات دى
وياريت
تكتبوا تعليق على اى كلمه تعجبكوا
ونبدأ


يعنى مثلا تلاقى
واحد كاتب (يا بخت اللى صاحبه راجل) تحس انه خلاص معتش رجاله


واحد تانى تلاقيه متأثر بأغنية الحكايه وكاتب (شكلك
ايه قدام الناس) طيب هو مين اللى شكله وهيبقى ايه


لا ولا اللى جايه (لو الرزق بالجرى ماكنش حد
حصلنى)ههههههههههه اصل هو كان بيشترك فى مسابقات جرى كتير


يا سلام حكم والله (يا تهدى يا تعدى ) مش هعلق
بصراحه


ياااااااااااااااااااااه (البرنس لما يتدلع يخلى
الأسفلت يولع ) هههههههه يا دلعك يا برنس


شوفوا اللى جايه (العمر لحظه ) يااااااااااه عبره
والله الراجل عارف انه
بيمشى على الطريق وممكن يضيع فى اى لحظه عشان كده
كاتبها يااااااااااااااه



(خلص الكلام ) خلص فعلا والله مش عارف دى علاقتها
ايه بالتوكتوك


(حماصه ) لا دا اسم صاحب التوكتوك

موضوع جميل تسلم ايدك ياقمر